معلومات اساسية يجب ان تعرفها قبل ان تدخل في التسويق المباشر

من طرف هاكربوي الأحد 23 ديسمبر 2007, 5:41 pm

حبيت اشرح الفكرة الاساسية التى يقوم عليها نظام شينل لتوزيع الحوافز
وعلشان الجكاية تكون واحة هاضرب مثلباللى حصل فعلا في شركة شينل لحد ما قفلت

يعني نبدا من القاعدة
والقاعدة هنا هى 50 الف عضو
ودة تقريبا عدد اعضاء الشركة قبل ما تتشمع بالشمع لاحمر
نشوف الناس دي جت ازاي
طبعا كل واحد من الناس دي دعاه واحد صاحبة وحبيبة وبيموت في دباديبة وهمة على مصلحتة
المهم بناء على مبدا المضاعفة فان اول صف من تحت عددة بالظبط نص اعضاء الشركة ناقص واحد

ملحوظة هامة يا جماعة لو في اي تعليق على الارقام ياريت الناس تراجع الارقام و تصححها لو فيها غلط

المهم الناس اللى عددهها 25 الف عضو اخدوا اهم حاجة في الشركة وهي العضوية والجهاز طبعا
انما فلوس لا طبعا لان الاهم هو الحب والتعاون والجهاز طبعا اللى يساوي ثقله ذهب مش بس 1000 جنية
يعني 50% دفعوا الف جنية وما اخدوش حاجة
والكلام دة سواء كانوا 50 الف او 50 مليون
يعني ف النهاية في 50% هاياخدوا صابونة قصدي الجهاز بس
نيجي للجماعة اللى بيحبوهم ووقعوهم اقصد اللى شاركوه النجاح ولو انى مش شايف نجاح لحد دلوقتي في العملية اللى فاتت وعددهم 12500 عضو في عين العدو
المهم كل واحد من دول ونسبتهم 25% اخد 204 مطروح منها 100 ضريبة المبيعات طبعا يعني اخد 108 جنية بالتمام والكمال يعني حوالى 10% من اللف اللى دفعها ما شاء الله ونعم الارباح
يعني 75% من الناس الفالح فيهم اخد 10% والباقي طبعا عارفين الصابونة اياها
بعد كدة طبعا الى فوقهم ودول عددهم ما شاء الله 6250 عضو محترم وموقر وماشاء الله عليه اصبح موزع متقدم
الموزعين المتقدمن الافاضل كل واحد منهم اخد طبعا ال 108 جنية
زائد كمان مبلغ محترم وهو 96 جنية ودي حصيلة 4 اعضاء بيحبهم وبيموت فيهم وقلبة على مصلحتهم وجابهم معاه
يعنى ال 6250 عضو دول اخدوا 204 جنية
يعني 50%+25%+12.5%
اجدع واحد فيهم اخد 20% من فلوسة
مش هاقول كسب
طب تحبوا اكمل ولا لأ
نكمل لحد ما نشوف كام % هايقدر ياخد فلوسة